ماتعيطيش ياأماي ماتعيطيش

دنا كلي قصاد دموعك ماسويش

دة قدري ودمي في رقبه البراطيش

ماتعيطيش ياأماي ماتعيطيش

مش انت اللي صحتيني

وبيدك دول لبستيني

وامتي تستعجليني

وقلتيلي الحق الاتوبيس

ما انا عارف انك كنتي ماتعرفيش

فماتعيطيش ياأماي ماتعيطيش

دمعك عليا غالي وانا عمري كله مايسويش

طب جوليلي اعمل ايه ارجوكي ماتحرجنيش

ماتعيطيش ياأماي ماتعيطيش

طب اسكتي ياأماي مش رحت الجنه

وبلعب مع حسن وحسين والواد حنا

 خلي بالك من أبوي ومن اختي وعليا متجلجيش

 دانا في رعايه ربي اللي مابينسنيش

حستناكي

حستناكي يااماي واشوفك تضحكيلي

حستناكي يا اماي وانت بتغنيلي

وسعتها والله ماحلعب مع حد

دة كفايه انت حتلاعبيني

وساعتها خلاص مشحتسبيني

كفايه يا اماي جطعتي جلبي

انا خلاص ارتحت وانت لسه شايله همي

ماجلتلك خلاص دنا في جنه حبيب جلبي

خلاص يا اماي ماتعيطيش

دنا كلي قصاد دموعك ماسويش